Ələkbərov Bəxtiyar Hüseyn oğlu

              Müdir

        1971-ci ildə Hacıqabul rayonunda anadan olmuşdur. 1978 – 1988-ci illərdə orta təhsilini Hacıqabul şəhərində almışdır. 1993-cü ildə Bakı Dövlət Universitetinin fizika fakultəsini bitirmişdir. 1993 – 1996-cü illərdə fizika müəllimi, 1997 – 1998-ci illərdə məktəb direktoru vəzifəsində işləmişdir. 2007-ci ilin oktyabr ayında irəli çəkilərək Hacıqabul rayon Təhsil Şöbəsinin metodisti vəzifəsinə təyin olunmuşdur. 2010-cu ildə müsabiqə yolu ilə Hacıqabul rayon Təhsil Şöbəsinin məsləhətçisi vəzifəsinə təyin olunmuşdur.

Daxili müsahibədən müvəfəqiyyətlə keçərək Azərbaycan Respublikası Təhsil Nazirliyinin 16 sentyabr 2020-ci il tarixli K-960 nömrəli əmri ilə Hacıqabul rayon Təhsil Şöbəsinin müdir müavini  vəzifəsinə təyin edilmiş və “1-ci dərəcə dövlət qulluqçusu” ixtisas dərəcəsi verilmişdir.

Hacıqabul rayon İcra Hakimiyyəti Başçısının 29 sentyabr 2020-ci il tarixli 99 nömrəli əmri ilə Hacıqabul rayon Təhsil Şöbəsinin müdiri  vəzifəsinə təyin edilmişdir.

         22 iyun 2017-ci il tarixdə dövlət qulluğunda səmərəli fəaliyyətinə görə Hacıqabul rayon İcra Hakimiyyəti Başçısının 22 iyun 2017-ci il tarixlli 98 nömrəli sərəncamı ilə “Fəxri Fərman”la təltif olunmuşdur.

04 oktyabr 2019-cu il tarixdə təhsilin inkişafında xidmətlərinə, təhsilin təşkili və idarə olunması sahəsində səmərəli və peşəkar fəaliyyətinə görə  Azərbaycan Respublikası Təhsil Nazirliyinin 04 oktyabr 2019-cu il tarixlli 3696 nömrəli əmri ilə “Fəxri Fərman”la təltif olunmuşdur.

İşlədiyi dövrdə pedaqoji kollektivlərin fəaliyyətinin düzgün istiqamətləndirilməsi, şagirdlərin bilik və bacarıqlarının səviyyəsinin yüksəldilməsi, həmçinin təhsil işçilərinin peşəkarlıq səviyyəsinin artırılması istiqamətində ardıcıl tədbirlərin həyata keçirilməsinə çalışmışdır.

Rayonun ictimai siyasi həyatında yaxından iştirak edir. Rayonun pedaqoji işçıləri, həmçinin rayon ictimaiyyəti arasında nüfuza malikdir.

01 noyabr 2007-ci il tarixdən YAP-nın üzvüdür.

         Vətənpərvərdir, etibarlıdır, dəyanətlidir, öz işini vicdanla və şərəflə yerinə yetirir.

         Ailəlidir, üç övladı var.